مساء الخير عليكم ..
كيف حالكم ان شاء الله بصحه جيده ..
وحشتونى كالعاده والمدونه اكثر شي :)
........
انا الاسبوع الى فات محطيتش موضوع مع انه كان عندنا الخميس وجمعه وسبت عطله
بمناسبه 17 فبراير ..
طبعا بجد طرابلس كانت رااااااائعه بكل معنى الكلمه الشوارع ميدان الشهداء وانتم شفتوه على التلفزيون اكيده
فى اقرب فرصه بحطلكم الصور لما انزلها ..
اما بالنسبه للاسبوع هذا فكان متعب بجد وضغظ ..بس اتى قرار وان شاء الله يتبت هذا القرار
ان الشهادات فى ليبيا نظام سميستر يعنى مش نظام سنه ..
فرحنى الخبر هذا كثيييييير يعنى بدل الكتاب كله نص الكتاب وهذا شي كوويس
بالنسبه لينا بسبب الضغط هذا بالنسبه للفرحه والتعب ..
اما الخوف فكان اليوم عندنا استاذ ..... فى ماده ....
خوفنا بجد عمل امتحان للفصل تانى كانت اسئلته صعبه يعنى قاللهم افتحو الكتاب وماجاوبوش ابداااا ؟!!!
ده كانت صدمه ليا لما قالها لينا ..
بس انا جاوبت وجبت 9 على 10 مش مشكله صح ههههههه
حبيت احكيلكم على الى صار فى الاسبوع وافضفض ..
طبعا شكرا لولد فصلي محمد حسين الى رفعلى معنوياتى لانى كنت خايفه كثييير اليوم
من الامتحان شكرا محمممد هههههههه وبالتوفيق :)
وهذا الى صار
وسامحونى لو مقصره معاكم ..
تحياتى لكم وادعولى :)
نور
هناك 15 تعليقًا:
الأخت الغالي / نور
مبسوطين برجوعك بعد غياب أسبوعين
حم الله على السلامة
سعيد بتفوقك الدراسى
وأسعد بالنظام التعليمى الجديد فى ليبيا
تحياتى لروحك الطيبة
خالص أمنياتى بالنجاح والتفوق
دمتى بود
Days and Nights
اهلا اخي ..
الله يسلمك يارب .. شكرا لك نورت المدونه بوجودك
تحياتى لك
نور
اهلللللين نور نوررتي المدونه بعد غيبه اسبووعين ..
هوااا كان يووووم تاريخي الصرااحه يووم الدكرى للتوره ...
وكان معاهاا خبر السمستر يعني الفررحه مضاعفه ههههههههه والحمدلله جاوبناا في الاحيااء وجبنا تسعه .. وبالنسبه لرفع المعنوياات تفضلي في اااي وقت نرفعلك معنويااتك ولايهمك اماال ليش الاصدقااء موجودين
مع تحيااتي
محمد حسين
اهلا محممممد ..
ههههههههه منوره بوجودك المدونه .. اي يوم حلو كان يوم الذكري وان شاء الله كل ايام ليبيا هكي ياربي .. اكيييد وشكرا محمد بجد .. منور تحياتى لك وبالتوفيق
نور
السلام عليكم نور
حمدلله علي سلامتك نورتي الن
أن شاء الله دائما موفقة
مع خالص تحياتي
ربنا يوفقك دايما يارب
وتجيبى درجات حلوة كدا دايما
ومش تغيبى عننا اسبوعيين كدا مرة واحدة
سعيدة انى عرفت اخر اخبارك
دايما سعيدة وموفقة يارب
ربنا يوفقك و يكتبلك الخير
كل عام و ليبيا الطيبة بخير و ازدهار
كل سنة و انتي طيبة
و يا رب تفضل كل ايامك افراح و سعادة
نحن جميعا سعداء برجوعك الينا وخاصة مع النظام التعلمى الجديد الذى نرجو ان يكون واجهة خير عليكى وتبشرينا بتفوقك
اهم شئ لا تبخلى علينا بالحلاوة
نحن جميعا سعداء برجوعك الينا وخاصة مع النظام التعلمى الجديد الذى نرجو ان يكون واجهة خير عليكى وتبشرينا بتفوقك
اهم شئ لا تبخلى علينا بالحلاوة
حبيبتي نور ..
اشتقنا لكِ كثيرًا ،
فأسبوعان مدة طويلة جدًا ..
أتمنى و أسال الله أن يوفقك في امتحاناتكِ ،
" إدعيلي "
أنا الأخرى عندي امتحانات شهرية حاليًا ..
دمتِ بخير ..
تحيآتي لكِ ..
مساء الورد نور
بالتوفيق لك وبإذن الله تكون كل
الإمتحانات سهلة عليك ..
تحياتي وإحترامي
ماشاء الله عليك ومبروك الدرجة... لكن يا ريت بشرتينا وتفكرتينا في الحاجة هي, ولا حنى مهمتنا الدعاء بس...
نووووووووووووور
بالتوفيق يا عسسسسسسسسسسسسسسل
مساء الخير ..
وحشتوووووني بجد
شكرا لتعليقاتكم الكريمه تحياتى لك
نور
إرسال تعليق