الخميس، 23 فبراير 2012

فرحه مع تعب مع خوف .........!!!!!!




مساء الخير عليكم ..
كيف حالكم ان شاء الله بصحه جيده ..
وحشتونى كالعاده والمدونه اكثر شي :)
........
انا الاسبوع الى فات محطيتش موضوع مع انه كان عندنا الخميس وجمعه وسبت عطله 
بمناسبه 17 فبراير ..
طبعا بجد طرابلس كانت رااااااائعه بكل معنى الكلمه الشوارع ميدان الشهداء وانتم شفتوه على التلفزيون اكيده
فى اقرب فرصه بحطلكم الصور لما انزلها ..
اما بالنسبه للاسبوع هذا فكان متعب بجد وضغظ ..بس اتى قرار وان شاء الله يتبت هذا القرار 
ان الشهادات فى ليبيا نظام سميستر يعنى مش نظام سنه ..
فرحنى الخبر هذا كثيييييير يعنى بدل الكتاب كله نص الكتاب وهذا شي كوويس
بالنسبه لينا بسبب الضغط هذا بالنسبه للفرحه والتعب ..
اما الخوف فكان اليوم عندنا استاذ ..... فى ماده .... 
خوفنا بجد عمل امتحان للفصل تانى كانت اسئلته صعبه يعنى قاللهم افتحو الكتاب وماجاوبوش ابداااا ؟!!!
ده كانت صدمه ليا لما قالها لينا ..
بس انا جاوبت وجبت 9 على 10 مش مشكله صح ههههههه 
حبيت احكيلكم على الى صار فى الاسبوع وافضفض ..
طبعا شكرا لولد فصلي محمد حسين الى رفعلى معنوياتى لانى كنت خايفه كثييير اليوم 
من الامتحان شكرا محمممد  هههههههه وبالتوفيق :)
وهذا الى صار 
وسامحونى لو مقصره معاكم ..
تحياتى لكم وادعولى :)
نور

الخميس، 9 فبراير 2012

تعب وبرررررررررد




مسااء الخير عليييييكم جميييييييعا 
ان شاء الله تكونو بصحه جيده واحوالكم تمام ..
......
طبعا سامحونى الخميس الي فات ماكتبتش موضوع ولا زرت مدوناتكم الغاليه ..
لسبب انقطاع الكهرباء واليوم الى قبله الى هوا الاربعاء كان عندي امتحان وكنت مضاااااااايقه كثييير 
بسبب ضغط الدراسه وضيق الوقت وتاخر المناهج يعنى الكتب ..يعنى فى نواقص فى الكتب 
وامتحناتنا النهائيه من امانه التعليم يعنى خلصنا المانهج ولالا حنمتحن فيه الكتاب والوقت قصيير يعنى ضغط مش عااااااادي بجد مرات اكره الدراسه بس لا حل غيره وربي يوفق 
الجميع ان شاء الله .. هذا الاسبوع الى فات ..
.......
اما الاسبوع هذا كان فى برد كثثثثثثثير ممكن اول مره يحصل فى ليبيا لدرجه ان الحراره وصلت 1- فى الليل وفى النهار 3 ولا 4 وفى مناطق قالو نزل فيها ثلج ..سبحان الله
واسبوع متعب كمان لا كلااام ولا تعليق .. يوم السبت عندي امتحان كيماء 
والاحد تربيه اسلاميه
والتلاتاء لغه انجليزيه 
وباقي الايامات احياء 
وربي يستر ..
حبيت احكيلكم عن شعووووووووووري فى البرد الرهييب بس جو حلو يعنى 
.. وزي كل مره ادعووولى :)
تحياتى لكم نور