مساء الخير كيف حالكم اليوم ان شاء الله كويسين ...
هوا شوفو الصرااااااحه اتعبت كثير فى تحضيري للصور ليا 3 ساااعاات وانا بحمل النت بطيئ كثييييير اليوم ..
الله غالب .. حبيت اجيبلكم صور عن رحلاتى مابعد الثوره ..
هاذي فى مصراته ..يومها كان فى استعراض عسكري كبييير
الرمز هذا فى مصراته كان طبعا فى طرابلس بس اخدو لمصراته
وهذا كمان فى مصراته
في هذا اليوم كان فيه استعراض عسكري
صوره من الاستعراض
..........................
هذا اول ماوصلنا للعزيزيه طبعا هيا رحله ماكانتش على البال مجرد العبور من امامها
اردنا الدخول اليها ..مجرد فضول ..طبعا هياا طرابلس تااانيه يعنى مدينه تانيه ونحنا ضعنا فيها
من كبرها ..
هذا بعد تخطي بوابه طبعا بوابه مدمره ..
اذا ملاحظين انا بصراحه اتفاجات كثييييييير لما شوفته.. طبعا هذا السور شوفو فى تحته زي الحديد عليه
متل الدبابيس شوفتو هذا داخل العزيزيه طبعا المنظر هذا محاااط بكل السور
من الداخل..
من الداخل..
هذا البيت الصاااااااااااامد على الاساس
طبعا كان فى اقبال على المكان كثييييير
هذي كتيبة محمد المقريف تقريبا
اما هنااااااا هذا السور الاخضر تدخله متااااااااااااهة بجد نحنا شويا وضعنا لما تكملها تدخل لبيته
معمر القدافي
طبعا وووووووين ماروحت تلاقي حفر وسراديب
داخل البيت فى الحديقه
هاذ سور بيته وشوفو الحديد الى تحته ...اجراااااام بكل معنى الكلمه
مسبح القدافي ههههههههههه
داخل البيت
انا خفت مانزلت هههههههههههه
اما الصوره هاذي بجد عجيبه تعرفو انا لما صورتها انا كنت فوق الارض
كنت بدي اصور الظلام الى تحتى فقط بس لما شوفت فى الكاميرا طلع فى بااااااب تحت الارض بييخوف صح
ههههههههههههههه
شوفتو سمك الحيط
!!
وهاذي كانت الصور حبيت تتفرجو عليها ..
:)
مع تحياتى لكم
نور
هناك 62 تعليقًا:
الصراحه مجهود رائع وتشكرين عليه !!
YEEzy
yeezy ..
شكرا هذا من ذوقك حسين ..العفو
مع تحياتى لك
نور
انتي بارعة في التصوير يانور
بس فين التوكتوك بتاع القذافي
ههههههههههه
تحيتي يانور
عفوا هذا من ذوقك
شكرا
Yeezy
ههههههههههههههه اهلا خاالد ..
طبعا بارعه .. واللهي ممكن الشي الوحيد الى ماصدفنى التوكتوك ههههههه ولا يهمك انا بدور عليه وبصوره ههههههه
شكرا لمرورك ..
مع تحياتى
نور
للأسف النت في البيت بطيئ والصور لا تظهر إلا بعضها وجزئياً فقط ..
لكن أول حاجة أعملها غداً لما أروح الشغل إني أفتح البوست ده وأشوف الصور علشان النت في الشغل أفضل وتظهر كل الصور ..
على كل الحمد لله اللي انتهى عصر الظلام والظلمات وإن شاء الله تزدهر البلاد العربية كلها بالعدل والحرية والقوة والتطور .. وبالطريقة دي ممكن نستعيد كل الأراضي المغتصبة .. إن شاء الله ..
مع تحيتي لك ..
بس معقوله باب العزيزيه توا هكي اموليا حي حي حي كان مش مكتوب باب العزيزيه في التعليق كان معرفتهاش بكل
يا ساتر
تقبلي مروري
Yeezy
السلام عليكم..
مبروك فرحتكم بالنصر وموفقين يارب.
ظلالي البيضاء ..
ايوه النت بطيئ جداااا ..خلاص ان شاء ايكون احسن فى الشغل وتشوف الصور استاذ محمد ..الحمد لله يارب .. وان شاء الله للاحسن ..
مع تحياتى لك
نور
yeezy .. اااي هذا باب العزيزيه ..
ربي ستر وخلاص ..
تحياتى
نور
Bahaa Talat
اهلا اخي ..وعليكم السلام .. الله يبارك فيك
وعقبال مصر تشوف الاحسن يارب ..
مع تحياتى لك
نور
هههههههههههه واللهي يومتها كان جووو مش عادي .. صور كويسه نور ..بالتوفيق حبيبتى ..
مع تحياتى لك
ياسمين
مبروك النصر لليبيا الحرة
ياسمين اهلا ..
ههههههههه يوم حلو ..شكرا لمرورك
مع تحياتى لك
نور
mohamed amer
الله يبارك فيك محمد ..شكرا لك منور ..
مع تحياتى
نور
الله اكبر الله اكبر الحمدلله ع كل شى مشكوره نور ع هده الصور الرائعه
مع حبي
samar
العفو سمورتى ..
منوره
مع تحياتى لك
نور
شني الجو نور
لما تفضيلي كلميني عندي ليك حاجه مليحه
تمام كويسه حبيبتى
وانتى كيف حالك ..كلمونى انتم انتى التليفون صفر رصييييد ههههههه توا نفتح الايميل هي
اوك افتحي ايميلك
اووكى .. انى فاتحه
موضووع جميل وصور رائعة مشكووورررره نووور ... بس هادي صوور قديمه اول ماتم تحرير طرابلس .. تواا باب العزيزية سوووه بالارض يعني مسحوووووووه مسح تاااام
تقبلي مرووري
محمد حسين
اهلا محممد .. اي صور قديمه غير توا امس كيف اتفكرتها .. يلا تمشي الامور ههههه .. منور محمد
... تحياتى لك
نور
ناااايس بالهلبا
بجد موضوع حلوا هلبا
شكرا لي خوتنا التوار وكل من وقف معانا لنصر ثورت 17 فبراير واسقاط الطاغيه
الله اكبر الله اكبر
لا اله الا الله
تحياتي موني
اهلا امانى ..نورت المدونه ..
مع تحياتى لك
نور
مرسي حبيبتي
باتوفيق
موني
كوووووووووووووووووووووول
العفو امانى
هههههههههه ... اااي تمشي صووور حلوووه ... اصلا كان جديده رااه طلعت صوره فاضيه لان مسحوووووه معااش في باب العزيزيه ههههههههههههههههههههههههههههههههه
محمد حسين
ههههههههههههههههههههه شكرا محمد .. اي شوفتها امس ممكن خطمنا من قدامها ..
وشبحنها كله مافيش شي اصلا احسن توا مفروض نستغلوها انديرو فيها حدائق وحاجات لانا مافيش اهنى الواحد لما بيطلع مايلقى وين يمشي .. وحاطين كل الامل فى الجيل الجديد يعنى جيلنا هههههههههههههه
نور
هههههههههههههههههههه... جيلناا نت ونوووم واني اووول وااحد ... مادخليش لا في حدائق لا وااحد هيهيههيهيهيهيهيهيهيهيهيهيهي ... لالا ان شاء الله نبنوهاا واتووولي احسن من قبلللل بهلباااا معاا من اجل ليبيا الغد .. يداا بيد نحووو مستقبل امعبي حدائق واماكن سياحيه
محمد حسين
رزقكم الله الامن والاستقرار والرقي والازدهار
وحفظ الله ليبيا وشعبها العظيم
تحياتي
صباح الخير نور
مخرب ما ترك شئ سليم في ليبيا الحبيبة
معلش
المهم خلصنا منة !!!
وأن شاء الله سوف تنزلين صور ليبيا الجديدة الجميلة قريبا بعد الاعمار بسوعدنا نحن العرب نبني ليبيا الجميلة الحرة نعم للاعمار لا للسلاح
تحياتي القلبية
واو صور رائعة حقاً ..
الشكر كل الشكر لك ..
mohammed maamar
ههههههههههههه انته اكيد مدخلكش فى الجو هذا خليك للنوم والنت صح ههههههه اي اكيد وان شاء الله للاحسن ..سورى امس النت فصل ومعاش جي .. تحياتى
نور
مصطفى سيف الدين
ان شاء الله يارب وشكرا لك على مرورك.. تحياتى لك
نور
m.hallawa
صباح الورد اهلا منور المدونه ... اي الحمد لله على كل شي ووان شاء الله حصور صور ليبيا الجديده بعد الاعمار ان شاء الله ربي يوفق ..
مع تحياتى
نور
مدونة الحياة البرية
اهلا اخى .. العفو ولو الشكر لك وعلى مرورك الرائع .. تحياتى لك
نور
نور عيوني
مجهود رائع
صور لذيذه كتير
تسلمي يا اموره
ساسو ..
تسلم عيونك ياقمر ويخليكي .. الله يسلمك ونوره المدونه :)
مع تحياتى
نور
ماشاء الله عليكي مصورة صورة كويسه
الحمد لله ان الليبين استعادوا بلادهم من ايد القذافي والمرتزقه بتوعه
ماشاء الله عليكي مصورة صورة كويسه
الحمد لله ان الليبين استعادوا بلادهم من ايد القذافي والمرتزقه بتوعه
عزيزتي نور ...
مغامرة رآئعة خضتي غمارها !
أتمنى لو كان بوسعي التواجد هنآك ...
و لكنها كانت بالفعل صور ممتازة ...
و استمتعت بمشاهدتها ...
أشكركِ جزيلا عليها ...
تحيآتي لكِ ...
شمس النهار ..
ههههه شكرا لك عزيزتى نورتى مدونتى شموستنا بعد غياااب ووينك .؟ :)
شكرا لك
مع تحياتى
نور
dodo, the honey
اهلا حبيبتى دعاء ..ايوه بجد مغامره رائعه ..الشكر ليكي وعلى تواجدك بالمدونه دعاء ..
تحياتى لك
نور
نوووووووووور كيفيك شو اخبارك
والله ليك وحشه
وينك
موني
اهلا امانى .. تعبانه الحق شويه بس الحمد لله على كل شي حبيبتى ..وانتى ليكي وحشه معاااااااش اتلتي ليييش انى مصفره راه هههههههه شن اخبارك ..ساعه انى ومنطلع اليوم يلعبو برشلونه والريال وكان فازو الريال مندير موضوع منمسح بييييييييييكم هاهاهاها ههههههه
نور
ربنا قال / و تلك الأيام نداولها بين النّاس/
سبحانه يعزّ من يشاء و يذلّ من يشاء !!
---
حقيقة ورقة توثيقية بامتياز. !
شكرا لجهدك و تعبك و جميل تجميعك ....
مدونة الزمن الجميل يسعدها دعوتك إلى جديدها:إفعل و لا حرج !
-
منجي باكير .. الشكر لك ولتواجدك الرائع منجي ..بالتوفيق للجميع
مع تحياتى
نور
تقرير جداً جداً رائع ومدعم بالصور
وبجد ليبيا تتميز بطيبة وجدية شعبها وأفرادها
وتكفي أنها أرض الجهاد الإسلامية وتتمثل في عمر المختار وأمثاله.
بارك الله فيكِ أختي والله ينصر المسلمين في كل مكان.
سعد الحربي ..شكرا لك سعد ..
وفيك بارك الله ووفقك ان شاء الله يارب ..وشكرا لمرورك وردك ..
مع تحياتى
نور
سلامتك يانور انشااء الله غدوا كان افضيت تو نتصل بيك
تسلمي ياقمر ..عادي ولا يهمك يابزنس ومن ههههه
تحياتى غلاتي
نور
هههههههههههه
مرسي يااقمر
موني
ههههههههههههههه العفو حبيبتى ..
نور
نور............
حبيت أقولك أنكى تجمعى بين الثورة والصمود
والرقة والحب الودود والشوك والورود وفلسطين الصامدة الجريحة وليبيا الثائرة المناضلة فليس بينهما حدود
محاولاتك بالرسم صدقينى رائعة تدل على أن أناملك تلحن أعذب الألحان فإستمرى فأنتى بالطبع والسليقة فنانة عريقه
إقبلى منى تلك الكلمات :
نور ............
فعلا نورتى المدونة بل :
ملأ شعاع ضوءك كل الأركان
شرفتى مدونتى ياأجمل من كان
حيرتى بطلعتك القاص والدان
وسكنتى ببهائك شغاف الوجدان
وملأت بعطرك ماحول الأكوان
وشدى الطير بوجودك أعذب ألحان
المهندس/ فاروق سحير
( الشاعر المهندس/فاروق إبن النيل)
فاروق سحير ( فاروق بن النيل )
شكرا لك بجد مش عارفه شو اقولك ولا ارد عليك شكرا لك لمرورك الرائع وطبعا قبلتها الكلامات الرائعه شكرا لك وعلى مرورك ..
تحياتى لك
نور
حلو زيك وناعم احزري من انا ؟؟؟؟؟؟
شكرا ..مييييين ؟؟!!!!!
نور .........
مجهود رائع وصور مبدعة
الله عليكى عبرتى بكاميرتك كأفضل مايكون الشعر بصور جميلة تسلم إيدك
المهندس الشاعر/ فاروق إبن النيل
نور .........
مجهود رائع وصور مبدعة
الله عليكى عبرتى بكاميرتك كأفضل مايكون الشعر بصور جميلة تسلم إيدك
يعطيك العافية يانور .. والله نقلتينا لقلب الحدث بصورك الجميلة والمعبرة ..
اعجبتني قصة السراديب والانفاق ومسبح القذافي بس يا ترى وين التوك توك تبعه راح ؟؟؟!!!
وجع البنفسج..
تعرفى التوك توك يكمن اخده واحد يعنى مش موجود ..شكرا لمرورك تحياتى لك
نور
إرسال تعليق